ABŞ Silahlı Qüvvələrinin İraqdakı hərbi missiyası rəsmən başa çatıb. Vaşinqtonun qərarı terror qruplaşmalarına qarşı mübarizə məqsədilə ölkədə yerləşdirilmiş beynəlxalq koalisiyanın 12 illik fəaliyyətinə son qoyub.
Publika.az xəbər verir ki, ABŞ hərbi kontingentinin İraq ərazisindən çıxarılması Vaşinqton və Bağdad arasında razılaşdırılmış qrafikə uyğun həyata keçirilib. Sonuncu dayaq məntəqələri və irəli hərbi bazalar gün ərzində İraq ordusunun nəzarətinə verilib.
İraqın yerli hakimiyyət orqanları ölkənin milli təhlükəsizlik qüvvələrinin asayişi və müdafiəni müstəqil şəkildə təmin etməyə tam hazır olduğunu açıqlayıb.
Bununla belə, regional analitiklər xarici hərbi kontingentin ölkədən çıxarılmasından sonra regionda qüvvələr balansının dəyişməsi ilə bağlı risklərə diqqət çəkirlər.
Müəllif: Adəm
