Yunanıstan polisi 100 milyon avroluq vergi fırıldaqçılığında şübhəli bilinən “Choriatiko” çörəkxana şəbəkəsinin sahibi Angelos Yannakopulosu və 50-yə yaxın şəxsi saxlayıb.
Publika.az xarici mediaya istinadən xəbər verir ki, 2026-cı ilin yanvarından aparılan istintaq saxta əqdlərlə vergidən yayınma ehtimalı olan 200-ə yaxın çörəkxananı əhatə edir. Yannakopulos Dubaydan Yunanıstana qayıtdıqdan sonra tutulub.
Biznesmen 2010-cu ildə qadınların cinsi istismar məqsədilə ölkəyə qanunsuz gətirilməsini təşkil etmək ittihamı ilə də həbs olunmuşdu. 2015-ci ildə 10 il 6 ay həbs cəzası alsa da, apellyasiya məhkəməsi sonradan cəzanı yüngülləşdirib və ittihamların bir hissəsini ləğv edib.
