Ölkə.az Publika.az-a istinadən xəbər verir ki, bu barədə “Tribuna” nəşri məlumat yayıb.
19 yaşlı vinger Çempionlar Liqasında keçirdiyi 34 oyunda 12 qol vurub və 11 məhsuldar ötürmə edib. Onun 2026–2027-ci illər mövsümünün liqa mərhələsinin ilk turunda “Feyenoord”un qapısına vurduğu qol ümumi göstəricisini 12-yə çatdırıb.
Yamalın rekordunu təkrarlaması üçün daha bir qol vurması kifayətdir. Hazırda 20 yaşına çatmamış Çempionlar Liqasında 13 qol vuran Kilian Mbappe bu göstərici üzrə zirvədədir.
İspaniyalı futbolçunun rekord uğrunda növbəti fürsəti oktyabrın 13-də İstanbulda “Qalatasaray”a qarşı keçiriləcək qarşılaşmada yaranacaq. Yamal həmin oyunda fərqlənəcəyi təqdirdə Mbappenin göstəricisini təkrarlaya, iki və ya daha çox qol vurarsa, onu geridə qoya bilər.
Gələn ilin iyulunda 20 yaşı tamam olacaq Yamalın rekordunu yaxşılaşdırmaq üçün hələ vaxtı var. “Qalatasaray”la qarşılaşmada onun çıxışı həm də gənc ulduzun Avropa futbolundakı yüksəlişinin növbəti sınağı olacaq.
