La Liqanın 9-cu turunda "Real Madrid"in "Vilyarreal" üzərində 1:0 hesablı qələbə qazandığı oyunda Vinísiusun 72-ci dəqiqədə birbaşa qırmızı kart alması böyük qalmaqala səbəb olub.
Offsideplus.az xəbər verir ki, DAZN telekanalının oyundan sonra təqdim etdiyi kadrlarda braziliyalı hücumçunun və komanda yoldaşı Cud Bellinqemin hakimin qərarına verdiyi kəskin reaksiyalar aydın görünür.
Dəhlizdə və Meydanda Yaşanan Təfərrüatlar:
- Vinisiusin hakimlərə etirazı: VAR baxışından sonra hakim Diaz de Mera qırmızı kart göstərdikdə Vinícius qəzəblənərək:
"Qırmızı? Qırmızı? Niyə belə edirsiniz?" — deyərək hakimin üzərinə gedib.
- Cud Bellinqemin reaksiyası: Qərardan şoka düşən ingilis ulduz kameraya baxaraq:
"Bu artıq futbol deyil... Vahşilikdir!" — deyə narazılığını bildirib.
- Dəhlizdə Yaşanan İnsident: Soyunub-geyinmə otağına doğru gedərkən "Nə dəlilikdir!" və "Bu xarab liqadır!" sözlərini işlədən Vinísius eyni zamanda tunel girişində La Liqa əməkdaşını təkanladığı üçün əlavə cəza almaq riski ilə üz-üzədir.
Qəzəbli çıxışından və baş verən insidentlərdən sonra İntizam Komitəsinin hücumçuya ən azı 2 oyunluq cəza verəcəyi gözlənilir. Bu halda Vinisius oktyabrın 25-də "Kamp Nou"da keçiriləcək "Barselona" qarşılaşmasını buraxmalı olacaq.
