“Mançester Yunayted”in sahibi olan Qleyzer ailəsi klubdakı səhmlərini satmaq üçün münasib vaxtı gözləyir.
Offsideplus.az xəbər verir ki, Avropa Super Liqası layihəsinin iflasa uğraması satış üçün mümkün variantlardan birini aradan qaldırıb. Bununla belə, klubun dəyərinə və mümkün satışa təsir edə biləcək iki əsas amil var.
Bunlardan biri yeni stadion layihəsidir. Belə bir layihənin həyata keçirilməsi “Mançester Yunayted”in ümumi dəyərini əhəmiyyətli dərəcədə artıra bilər.
Digər amil isə “Mançester Siti”nin vəziyyətidir. Klubun İngiltərə Premyer Liqasından kənarlaşdırılması ehtimalı rəqabət mühitini dəyişə və “Mançester Yunayted”in titullar uğrunda əsas rəqiblərindən birini aradan qaldıra bilər.
