Rusiyanın Novosibirsk vilayətində 73 yaşlı kişi azyaşlılara qarşı cinayət törətməkdə şübhəli bilinir.
News24.az xəbər verir ki, bu barədə vilayətin Daxili İşlər Baş İdarəsi məlumat yayıb.
Məlumata görə, şübhəlinin qurbanları 9 və 10 yaşlı üç qız olub.
Hadisə barədə polisə uşaqların valideynləri məlumat veriblər.
Onlar uşaq meydançalarından birinin yaxınlığında azyaşlıların gözü qarşısında nalayiq hərəkətlər edən naməlum şəxsi görüblər.
Faktla bağlı cinayət işi açılıb. Şübhəli saxlanılıb. Onun Koçenevo rayonunun 73 yaşlı sakini olduğu müəyyən edilib.
Məlumata görə, kişi törətdiyi əməlləri etiraf edib.
Hazırda onun barəsində qətimkan tədbirinin seçilməsi məsələsinə baxılır.
