“The Wall Street Journal”ın məlumatına görə, Kreml Çinin Şençjen şəhərində noyabrın 18–19-da keçiriləcək Asiya-Sakit Okean İqtisadi Əməkdaşlığı (APEC) sammiti çərçivəsində üçtərəfli görüş təşkil etməyi təklif edib.
Modern.az xəbər verir ki, nəşrin mənbələrinin bildirdiyinə görə, Vladimir Putin bu təşəbbüsü oktyabrın 9-da Donald Trampla telefon danışığı zamanı irəli sürüb.
Kremlin sözçüsü Dmitri Peskov da mümkün görüşlə bağlı danışıqların aparıldığını təsdiqləyib. Onun sözlərinə görə, görüşün baş tutub-tutmayacağı və mümkün gündəliyi barədə hələ aydınlıq olmasa da, “hər üç tərəf onun keçirilməsinin hipotetik mümkünlüyünü istisna etmir”.
