Rusiya digər dövlətlərə hücum etmək və ya onlara qarşı hibrid müharibə aparmaq niyyətində deyil.
Modern.az xəbər verir ki, bunu Rusiyanın Təhlükəsizlik Şurasının katibi Sergey Şoyqu noyabrın 2-də jurnalistlərə açıqlamasında bildirib.
Jurnalistlərin Rusiyanın Qərb ölkələrinin siyasətini özlərinə qarşı tətbiq edə biləcəyi ilə bağlı sualını cavablandıran Şoyqu bunun üçün heç bir səbəb olmadığını deyib.
“Bunu nə üçün etməliyik? Biz bu və ya digər ölkədə vəziyyəti qarışdırmaq niyyətində deyilik”, – deyə o bildirib.
Şoyqu Rusiyanın hər hansı ölkəyə qarşı hibrid müharibəyə başlaması ehtimalı ilə bağlı da xəbərdarlıq xarakterli ifadələr işlədib:
“Allah eləməsin, Rusiya sizə qarşı hibrid müharibə aparmağa başlayacağı günü görəsiniz. Sakit yaşayın, bizə hücum etməyə ehtiyac yoxdur. Biz heç kimə hücum etmək niyyətində deyilik”.
