Səudiyyə Ərəbistanının “Ən-Nəsr” futbol komandasının hücumçusu Kriştianu Ronaldu ilə keçmiş məşqçisi Erik ten Haq arasında söz savaşı davam edir.
İdman.Biz xəbər verir ki, “Mançester Yunayted”in keçmiş baş məşqçisi ESPN-ə müsahibəsində Ronaldunu yenidən tənqid edib.
“Hər top komanda top oyunçunu qəbul etməlidir, amma top oyunçu da komandaya yol verməlidir. Ronaldu ilə problem sadəcə bu idi. Oyunçular onun üçün çalışmaq istəyirdi, ona baxırdılar. O, əlbəttə, möhtəşəm futbolçudur, bütün zamanların ən böyüklərindən biridir. Amma son yeddi-səkkiz ilin reallığı budur ki, o, artıq nəticə verə bilmir”, - deyə ten Haq bildirib.
Ten Haq ötən ay “The Athletic”ə müsahibəsində də Ronaldunu sərt tənqid edib.
Qeyd edək ki, ten Haq 2022-ci ilin aprelindən 2024-cü ilin oktyabrınadək “Mançester Yunayted”i çalışdırıb. Ronaldu onunla münaqişədən sonra 2022-ci ildə klubdan ayrılıb.
