Azərbaycan Birinci Liqasında dördüncü turun daha iki oyunu keçirilib.
İdman.Biz xəbər verir ki, MOİK Binə qəsəbə stadionunda “Mingəçevir”i qəbul edib. Qarşılaşma meydan sahiblərinin 3:0 hesablı qələbəsi ilə başa çatıb.
MOİK-in heyətində C. Muxtarlı 47-ci, Bilal İsmayılov 58-ci, Ə. Mürsəlov isə 80-ci dəqiqədə fərqlənib.
Günün digər qarşılaşmasında “Şimal” və “Xankəndi” komandaları üz-üzə gəliblər. Şamaxı Olimpiya İdman Kompleksinin stadionunda keçirilən görüş 1:1 hesabı ilə yekunlaşıb.
“Şimal”ın heyətində E. İbrahimov 11-ci dəqiqədə hesabı açıb. “Xankəndi”nin futbolçusu B. Teymurov isə 77-ci dəqiqədə tarazlığı bərpa edib.
Xatırladaq ki, turun əvvəlki oyunlarında “Şahdağ Qusar” “Zaqatala”nı 6:0 hesabı ilə məğlub edib, “Səbail”lə “Karvan-Yevlax”ın görüşü isə 1:1 hesabı ilə başa çatıb.
Dörd turdan sonra “Şahdağ Qusar” 12 xalla turnir cədvəlinə başçılıq edir.
Dördüncü tura sabah keçiriləcək “Gəncəbasar” - “Baku Sportinq” oyunu ilə yekun vurulacaq.
Azərbaycan Birinci Liqası, dördüncü tur
8 oktyabr
“Şahdağ Qusar” - “Zaqatala” - 6:0
“Səbail” - “Karvan-Yevlax” - 1:1
9 oktyabr
MOİK - “Mingəçevir” - 3:0
“Şimal” - “Xankəndi” - 1:1
10 oktyabr
“Gəncəbasar” - “Baku Sportinq”
