“Liverpul”un sabiq futbolçusu Ceymi Karraqer Andoni İraolanın rəhbərlik etdiyi komandanın qol imkanları yaratmaqda və fərqlənməkdə çətinlik çəkdiyini bildirib.
İdman.Biz xəbər verir ki, Karraqer müdafiədə daha etibarlı görünən “Liverpul”un hücumda gözləntiləri doğrultmadığını vurğulayıb.
“İraolanın indiyədək üzləşdiyi əsas problem, yəqin ki, mənim və “Liverpul” azarkeşlərinin gözlədiyinin əksidir. “Nyukasl”la matçda gördüyümüz oyunu daha çox izləyəcəyimizi düşünürdüm: qarşılıqlı hücumlar, hər iki qapıya vurulan qollar.
“Liverpul” yeni baş məşqçinin rəhbərliyi altında son dörd-beş görüşdə müdafiədə bir qədər daha etibarlı təsir bağışlayıb. Amma komanda nadir hallarda çoxlu qol imkanı yaradacaq və ya çox qol vuracaq təsiri bağışlayır. Mən isə bunun əksini gözləyirdim”, – deyə Karraqer bildirib.
Qeyd edək ki, “Mançester Siti”yə məğlubiyyət İraolanın “Liverpul”un baş məşqçisi kimi ilk yenilgisi olub.
