“Barselona”nın baş məşqçisi Hans-Diter Flik UEFA Çempionlar Liqasının Liqa mərhələsinin ikinci turunda “Qalatasaray” üzərində qazanılan 4:1 hesablı qələbədən sonra Lamin Yamalın çıxışını yüksək qiymətləndirib.
İdman.Biz xəbər verir ki, almaniyalı mütəxəssis gənc futbolçunun qol vurmamasına baxmayaraq, komandanın hücumlarında mühüm rol oynadığını vurğulayıb.
“Lamin Yamal bu gün qol vurmadı, amma üç-dörd qol vurmaq üçün kifayət qədər imkan yaratdı. O, inanılmaz futbolçudur və bizim üçün çox vacibdir”, – deyə Flik bildirib.
Baş məşqçi qarşılaşmanın gedişatını da dəyərləndirərək komandasının oyununu daha da yaxşılaşdırmalı olduğunu etiraf edib.
“Düşünürəm ki, ilk hissədə də yaxşı oynadıq. Rəqib bir hücum etdi və bir qol vurdu. Əlbəttə, oyunumuzu təkmilləşdirməliyik. Amma bu stadionda oynamaq asan deyildi. Nəticədən çox razıyam”, – deyə mütəxəssis əlavə edib.
