Beynəlxalq Avtomobil Federasiyası (FIA) “Formula-1” rəhbərliyinin Andrea Kimi Antonellinin vaxtından əvvəl çempionluq titulunu qazana biləcəyi Meksika Qran-prisi üçün çempionluq kubokunun təqdim edilməsi xahişini rədd edib.
İdman.Biz “Bild” nəşrinə istinadən xəbər verir ki, çempionatın təşkilatçıları “Mercedes” komandasının 20 yaşlı pilotunun şəxsi hesabda qalib gələcəyi təqdirdə kubokdan fotosessiya üçün istifadə etməyi planlaşdırırdılar. FIA isə ənənəvi mükafatlandırma qaydasından istisna etməyə razı olmayıb.
Antonelli Meksikada dünya çempionu olarsa, mükafatlandırma mərasimində kubokun yalnız rəqəmsal təsviri nümayiş etdiriləcək. Pilot kubokun özünü dekabrın 12-də Şanxayda keçiriləcək FIA-nın təntənəli mərasimində alacaq.
Antonellinin vaxtından əvvəl çempionluq titulunu qazanması üçün rəqiblərinin nəticələrindən asılı olmayaraq, Meksika Qran-prisini ən azı doqquzuncu yerdə başa vurması kifayətdir. İtaliyalı pilot “Formula-1” tarixinin ən gənc dünya çempionu ola bilər.
