İngiltərənin “Mançester Yunayted” futbol komandasının kapitanı Bruno Fernandeş Çempionlar Liqasında “Roma” üzərində qələbədən sonra baş məşqçi Maykl Karriki dəstəkləyib, amma oyunçuların onun postunu xilas etmək məcburiyyətində olmadığını bildirib.
İdman.Biz xəbər verir ki, portuqaliyalı yarımmüdafiəçi “Amazon Prime”a açıqlamasında bu qələbənin həm kluba, həm də oyunçulara lazım olduğunu deyib.
“Xeyr, heç kimin işini xilas etməyə ehtiyacımız yox idi. Bu qələbə kluba da, oyunçulara da lazımdır. Bu vəziyyətdən çıxmaq üçün çox çalışırıq. Çətin dövr idi, mediada çoxlu fərziyyə, klubda baş verənlərlə bağlı xeyli yalan yayıldı. Məşqçi ilə aramızdakı məsələni aydınlaşdırdıq”, - deyə Fernandeş qeyd edib.
Kapitan Karrikin onu forması zəif olduğu üçün ehtiyatda saxladığını, bunun isə səsləndirdiyi sözlərə görə cəza kimi qəbul edildiyini də xatırladıb. Fernandeş bildirib ki, əgər bu, cəza idisə, doğru qərar idi, qərarları məşqçi verir, bu isə onun məşqçiyə, heyətə və klubdakı oyunçulara inamını dəyişmir. Kapitan qələbənin dönüş nöqtəsi olmalı olduğunu da vurğulayıb.
“Mançester Yunayted” “Old Trafford”da ilk hissədə 0:2 geridə qalıb: Matias Soule hesabı açıb, Donyell Malen penaltidən fərqi artırıb. Matheus Kunya penalti qazanıb, Fernandeş təkrar vurulan zərbədən qol vurub. Daha sonra Kunya iki qolla hesabı 3:2-yə çatdırıb və oyunun sonunda meydandan qovulub. Bu, “Mançester Yunayted”in 54 gün ərzində ilk qələbəsidir.
“Mançester Yunayted” növbəti oyununda “Aston Villa” ilə qarşılaşacaq. Zədələnən Karlos Balebanın bu oyunda iştirakı gözlənilmir.
Komanda Premyer Liqada 7, Çempionalar Liqasında isə 6 xalla 17-ci pillədədir.
