ABŞ Prezidenti Donald Tramp Nyu-Meksiko ştatının adının dəyişdirilməsi təşəbbüsünü yenidən gündəmə gətirib.
Globalinfo.az xəbər verir ki, bu barədə o, “Truth Social” sosial şəbəkəsində paylaşım edib.
Trampın fikrincə, ştat Meksikanın deyil, ABŞ-ın bir hissəsi olduğu üçün indiki adından imtina etməlidir. O hesab edir ki, adın dəyişdirilməsi regionun nüfuzunu yüksəldə və yerli sakinlərin gəlirlərinin artmasına töhfə verə bilər.
ABŞ lideri mümkün ad dəyişikliyini ştatda keçirilən seçkilərlə də əlaqələndirib. O, bu addımın seçkilərin daha ədalətli keçirilməsinə kömək edəcəyinə ümid etdiyini bildirib və Nyu-Meksikoda seçkilərin ədalətliliyi ilə bağlı tənqidi fikirlər səsləndirib.
Qeyd edək ki, Demokratlar Partiyasını təmsil edən Nyu-Meksiko qubernatoru Mişel Lujan Qrişam daha əvvəl bu təşəbbüsə qarşı çıxıb.
Tahir Turan
Globalinfo.az
