Qazaxıstanın paytaxtı Astanada keçirilən güləş üzrə dünya çempionatında Azərbaycanın yunan-Roma güləşçiləri növbəti görüşlərini keçirib.
Futbolpress.az verir ki, 63 kq çəki dərəcəsində çıxış edən Nihat Məmmədli 1/4 finalda Qətər təmsilçisi Aref Mohammadini məğlub edib. Onun yarımfinaldakı rəqibi Sergey Yemelin (Rusiya) olacaq.
67 kq çəki dərəcəsində mübarizə aparan Həsrət Cəfərov isə 1/4 finalda Han Jae Chunga(Cənubi Koreya) qalib gələrək yarımfinala yüksəlib. Cəfərovun final yolundakı rəqibi Səid Esmaeili (İran) ilə qarşılaşacaq.
87 kq-da mübarizə aparan İslam Abbasov 1/8 finalda bolqarıstanlı Olimpiya çempionu Semyon Novikova 5:6 hesabı ilə uduzaraq dünya çempionatında çıxışını başa vurub.
Mundial noyabrın 1-də başa çatacaq. Dünən yunan-Roma güləşçilərindən Eldəniz Əzizli (55 kq) və Sənan Süleymanov (77 kq) qızıl medal qazanıb.
