UEFA Çempionlar Liqasında II turun ilk oyunları keçirilib.
Futbolpress.az xəbər verir ki, təmsilçimiz “Sabah” Bakıda Çexiyanın “Slaviya” (Praqa) klubunu qəbul edib. Masazır klubu rəqibini 2:0 hesabı ilə məğlub edərək möhtəşəm qələbəyə imza atıb.
Günün digər qarşılaşmalarında “Barselona” səfərdə “Qalatasaray”ı (4:1), “Arsenal” öz evində “Lill”i (3:0), “Atletiko” (Madrid) isə “Mançester Yunayted”i (2:0) darmadağın edib.
İtaliya “nəhəng”lərindən “İnter” (Milan) öz meydanında “Brügge”yə 3:4 hesabı ilə uduzub. “Napoli” isə səfərdə “Vilyarreal”a məğlub olub (1:3).
“Bavariya” Norveçdə “Vikinq”lə dramatik heç-heçəyə razılaşıb (3:3). “Sportinq” səfərdə “Lans”ı 2:0, “Leypsiq” isə öz evində PSV-ni 1:0 hesabı ilə üstələyib.
Qeydə alınan nəticələr:
UEFA Çempionlar Liqası
II tur
Sabah (Azərbaycan) – Slaviya (Praqa, Çexiya) 2:0
Qollar: Kahim Parris, 49, Coy-Lens Mikels, 88
Lans (Fransa) – Sportinq (Portuqaliya) 0:2
Qollar: Luis Xavyer Suares, 22, İssa Dumbiya, 74
Arsenal (İngiltərə) – Lill (Fransa) 3:0
Qollar: Yurrien Timber, 64, Ebereçi Eze, 67, Bukayo Saka, 71
Atletiko (Madrid, İspaniya) – Mançester Yunayted (İngiltərə) 2:0
Qollar: Pablo Barrios, 1, Ademola Lukman, 79
Qalatasaray (Türkiyə) – Barselona (İspaniya) 1:4
Qollar: Aleksey Batrakov, 28 – Joao Kanselo, 43, Fermin Lopes, 50, Entoni Qordon, 53, Karim Adeyemi, 65
İnter (Milan, İtaliya) – Brügge (Belçika) 3:4
Qollar: Lautaro Martines, 44, 81, Anje-Yoan Bonni, 90+3 – Nikolo Tresoldi, 30 (pen.), 63, 74, Romeo Vermant, 87
Leypsiq (Almaniya) – PSV (Niderland) 1:0
Qol: Brayan Qruda, 75
Vikinq (Norveç) – Bavariya (Almaniya) 3:3
Qollar: Canni Stensness, 2, Peter Kristiansen, 38, Herman Yohan Haugen, 90 – Harri Keyn, 54 (pen.), 60, Luis Dias, 71
Vilyarreal (İspaniya) – Napoli (İtaliya) 3:1
Qollar: Jorj Mikautadze, 23, Santyaqo Muriño, 26, Tani Oluvaseyi, 86 – Amir Rrahmani, 8
Bu gün keçirilən oyunlardan sonra turnir cədvəli aşağıdakı kimidir:
