Xalq artisti Məleykə Əsədovanın ailəsində ağır itki baş verib. Sənətçinin 29 yaşlı bacısı qızı Mina İranda xəstəlik səbəbindən vəfat edib.
Editor.az “Qafqazinfo”ya istinadən xəbər verir ki, üç qız övladı olan Mina yaxın günlərdə oğul dünyaya gətiribmiş.
Məlumata görə, mərhumun anası İran vətəndaşı ilə ailə qurub. Mina 2008-ci ildə anası və bacısı ilə birlikdə dəm qazından zəhərlənmə hadisəsi ilə üzləşib. Həmin hadisə zamanı onun 13 yaşlı bacısı həyatını itirib, Mina isə sağ qalıb.
İllər sonra ağır xəstəlik səbəbindən həyatını itirən Minanın ölümü ailəsi və yaxınları üçün böyük üzüntü yaradıb.
