ABŞ Ukraynaya 2,1 milyard dollar dəyərində 500 ədəd PAC-3 MSE raketinin mümkün satışını təsdiqləsə də, Kiyev onları ən tez bir neçə ildən sonra əldə edə biləcək. Bu müddətdə Ukrayna hava hücumundan müdafiə sistemində yaranacaq boşluğu Fransa istehsalı olan Aster 30 raketləri ilə doldurmağa çalışacaq.
Bizim.Media xəbər verir ki, hərbi ekspert Yuri Knutov “V Fokusе Mail” nəşrinə açıqlamasında belə deyib.
Ekspertin sözlərinə görə, ABŞ əvvəlcə öz arsenalını və müttəfiqlərinin, xüsusilə İsrailin ehtiyaclarını təmin edəcək. Buna görə də Patriot raketlərinin Ukraynaya çatdırılması gecikə bilər.
Knutov bildirib ki, Kiyevin yaxın müddətdə ümid edə biləcəyi əsas alternativ Fransa istehsalı olan Aster 30 raketləridir.
Fransa Prezidenti Emmanuel Makron Ukraynaya yeni nəsil dörd SAMP/T kompleksi verməyi vəd edib. Bu komplekslər üçün təxminən 400 raketdən ibarət ehtiyatın formalaşdırılması mümkündür.
Ekspert hesab edir ki, Fransa sənayesi Ukraynanın ehtiyac duyduğu həcmdə raket istehsal etmək gücündə deyil. Bununla belə, Aster 30 raketləri yaxın həftələrdə Ukraynaya çatdırılacaq və Kiyev, Odessa və Lvovdakı bəzi obyektlərin müdafiəsində istifadə olunacaq.
Bizim.Media
.webp)
