Səudiyyə Ərəbistanının cənub-qərbində yerləşən Nəcran əyalətində "AH-6i" tipli kəşfiyyat helikopteri qəzaya uğrayıb. Hadisə nəticəsində iki heyət üzvü həyatını itirib.
BAKU.WS xəbər verir ki, bu barədə Səudiyyə Ərəbistanı Müdafiə Nazirliyinin və Ərəb Koalisiyasının rəsmi nümayəndəsi Türki əl-Maliki "X" sosial şəbəkəsində məlumat verib.
Onun sözlərinə görə, qəzanın səbəbi texniki nasazlıq olub. Helikopter Səudiyyə Ərəbistanı Milli Qvardiya Nazirliyinin nəzarətində olan əraziyə düşüb.
Qeyd edək ki, hadisə regionda hərbi gərginliyin artdığı bir vaxtda baş verib. Son həftələr Nəcran əyalətinin husilərin hücumlarına məruz qaldığı bildirilir.