Avropa Futbol Assosiasiyaları Birliyi (UEFA) bu həftə keçiriləcək bütün Avropa klub yarışlarının oyunlarının Tenerife hücumçusu Xesus de Migelin xatirəsinə bir dəqiqəlik sükutla başlaması qərarına gəlib.
AZXEBER.COM "unikal"-a istinadən xəbər verir ki, 30 yaşlı futbolçu İspaniya ikinci divizionunun 12-ci turunda Andorra ilə keçirilən oyunda ürəktutmasından sonra xəstəxanada dünyasını dəyişib. Əlavə vaxt ərzində De Miguel Andorra qapıçısı Xesus Ovono ilə toqquşub və o, dizini oyunçunun sinəsindən vurub. O, huşunu itirəndən sonra xəstəxanada dünyasını dəyişib.
