"Real Madrid"in ingiltərəli sağ cinah müdafiəçisi Trent Aleksander-Arnoldun qış transfer pəncərəsində komandadan ayrılacağı ilə bağlı iddialara son qoyulub.
Offsideplus.az xəbər verir ki, İngiltərə və İspaniya mətbuatının verdiyi son məlumatlara görə, 28 yaşlı futbolçunun yanvar ayında İspaniya nəhəngini tərk etməsi artıq tamamilə gündəmdən düşüb.
Bir neçə İngiltərə Premyer Liqa təmsilçisi ulduz müdafiəçini qış transfer pəncərəsində yenidən Dumanlı Albiyona qaytarmaq üçün vəziyyəti yaxından izləyirdi. Lakin yanvar keçidi rəsmən masadan qaldırılıb.
Futbolçunun uzunmüddətli gələcəyi ilə bağlı qeyri-müəyyənlik davam etsə də, nə "Real Madrid" rəhbərliyi, nə də Aleksander-Arnold mövsümün ortasında yolları ayırmaq niyyətindədir.
İspaniya klubunda qalaraq əsas heyətdəki yerini sağlamlaşdırmaq istəyən İngiltərə millisinin üzvü ilə bağlı yekun gələcək qərarının yayda veriləcəyi bildirilir.
