ABŞ Yunanıstan və Panamada ofisləri olan hüquq firmasını İrana qarşı sanksiyalar siyahısına əlavə edib.
Bu barədə ABŞ Maliyyə Nazirliyinin açıqlamasında bildirilib.
"Karnakis" şirkəti ABŞ sanksiyalarının hədəfi olub. ABŞ Maliyyə Nazirliyi iddia edir ki, hüquq firması İran məhsullarının bazarlara tədarükünü qanunsuz olaraq asanlaşdırıb və bununla da Tehran hökumətinə silahların hazırlanması və nüvə proqramı üçün vəsait əldə etməyə imkan verib.
Sanksiya siyahısına daxil edilmək ABŞ-dakı aktivlərin dondurulması və Amerika vətəndaşlarının və şirkətlərinin siyahıda olanlarla iş görməsinin qadağan edilməsi deməkdir. ///teleqra///
