Güləşçimiz beşqat dünya çempionu oldu
Azərbaycanın yunan-Roma güləşçisi Eldəniz Əzizli Qazaxıstanın paytaxtı Astanada keçirilən dünya çempionatında həlledici qarşılaşmada iranlı Payam Əhmədi 3:1 hesabı ilə məğlub edərək qızıl medal qazanıb. Bununla da, Eldəniz Əzizli 55 kiloqram çəki dərəcəsində beşqat dünya çempionu olub.O, yarımfinalda 2025-ci ilin dünya çempionu, Gürcüstan təmsilçisi Vaxtanq Loluanı 5:1 hesabı ilə məğlub edərək finala yüksəlib.
34 yaşlı idmançımız daha əvvəl 2018, 2022, 2023 və 2024-cü illərdə dünya çempionu olub. Astanada qazandığı beşinci qızıl medalla Eldəniz Əzizli dünya çempionatlarında ən çox qızıl medal əldə edən Azərbaycan güləşçisi kimi rekordunu yeniləyib.
