Bakı, 5 noyabr,
Noyabrın 9-10-da Abşeron Olimpiya İdman Kompleksində cüdo üzrə U-17 yeniyetmələr arasında Bakı şəhər birinciliyi təşkil olunacaq.
Azərbaycan Cüdo Federasiyasından AZƏRTAC-a verilən məlumata görə, turnirdə 71 klub və idman cəmiyyətini təmsil edən 587 cüdoçu mübarizə aparacaq.
İştirakçıların 483-ü oğlan, 104-ü isə qız idmançıdır. Yarışlar 16 çəki dərəcəsi üzrə keçiriləcək.
Birinciliyin əsas məqsədi kvota prinsipi əsasında ölkə birinciliyində iştirak edəcək idmançıları müəyyənləşdirməkdir.
