Rusiya neft ixracından bir həftə ərzində 2,76 milyard dollar gəlir əldə edib. Bu, Ukraynada müharibə başlayandan bəri qeydə alınan rekord göstəricidir.
Axar.az xəbər verir ki, bu barədə “Blumberq” məlumat yayıb.
“Ukraynanın Rusiya neft emalı zavodlarına hücumlarının zəifləməsi Kremlə daxili neft emalını artırmağa imkan verə bilər. Rusiya neftinin əsas alıcıları Çin, Hindistan və digər Asiya ölkələri olaraq qalır”, - məlumatda deyilib.
Qeyd edək ki, ABŞ Prezidenti Donald Trampın tələbi ilə Ukrayna Rusiyanın neft-emalı zavodlarına hücumları dayandırıb.
