Rusiyanın Vladiqafqaz şəhərinin mərkəzində kütləvi dava baş verib. Münaqişə zamanı atəş açılıb.
Axar.az Oxu.az-a istinadən xəbər verir ki, "Nikarxo" ləqəbli MMA döyüşçüsü İbrahim İslamov yaralanıb. Onun vəziyyətinin ağır olduğu və xəstəxananın reanimasiya şöbəsində müalicə aldığı bildirilir.
Hadisənin başvermə səbəbləri ilə bağlı hələlik rəsmi məlumat açıqlanmayıb.
Hüquq-mühafizə orqanları münaqişənin bütün iştirakçılarının şəxsiyyətini müəyyən ediblər. Hadisə ilə əlaqədar 27 yaşlı şəxs saxlanılıb.
