İran İslam İnqilabı Keşikçiləri Korpusu (SEPAH) ölkədə iki terrorçu dəstəyə qarşı əməliyyat keçirib.Bu barədə ISNA xəbər verir.
İranın cənub-şərqində terrorçu qruplaşmalara qarşı kəşfiyyat tədbirləri çərçivəsində Saravan və İranşəhr bölgələrində iki dəstə aşkarlanıb və onların üzvləri həbs olunub.
Məlumata görə, dəstələr İranşəhr və Saravanda bir neçə terror aktı törətməyi planlaşdırıblar. Lakin kəşfiyyat orqanlarının qabaqlayıcı tədbirləri nəticəsində onların planlarının qarşısı alınıb.
Bildirilib ki, SEPAH-ın Quru Qoşunlarının Qüds Qərargahı xarici qüvvələrlə əlaqəli muzdlu qruplaşmalara qarşı əməliyyatları davam etdirəcək.
