Azərbaycan Birləşmiş Millətlər Təşkilatının (BMT) Günü münasibətilə çoxtərəfliliyə, beynəlxalq sülh və təhlükəsizliyə, eləcə də dayanıqlı inkişafa sadiqliyini bir daha təsdiqləyib. Bu barədə ölkənin Xarici İşlər Nazirliyinin "X" sosial şəbəkəsindəki rəsmi hesabında vurğulanıb.
Bəyanatda bildirilir ki, Azərbaycan beynəlxalq əməkdaşlığın gücləndirilməsinə, dialoqun təşviqinə və daha dinc, ədalətli, təhlükəsiz dünyanın qurulmasına töhfə verməkdə davam edəcək.
BMT Xartiyasının qüvvəyə mindiyi 24 oktyabr tarixi hər il dünyada Birləşmiş Millətlər Günü kimi qeyd olunur.
