Pakistanın müdafiə naziri Xavaca Məhəmməd Asif ölkəsinin “Səudiyyə Ərəbistanını bütün gücümüzlə müdafiə edəcəyini” bildirib.
Tezadlar.az xəbər verir ki, Geo News-a müsahibəsində Asif Məkkə Birgə Müdafiə Sazişi ilə bağlı şərh verib.
Riyada edilən son hücumlarla bağlı Asif deyib: “Səudiyyə Ərəbistanını bütün gücümüzlə müdafiə edəcəyik”.
Asif bildirib ki, Səudiyyə Ərəbistanını müdafiə etmək Pakistanı müdafiə etmək qədər vacibdir və əlavə edib: “Allahın izni ilə, indi üç ölkə sazişə daxil olduğundan, bir-birimizin ərazilərini istənilən xarici təcavüzə qarşı müdafiə edəcəyik”.
Asif qeyd edib ki, Səudiyyə Ərəbistanı və Türkiyədən yüksək vəzifəli şəxslərin İranda olması bu diplomatik qarşılıqlı əlaqənin vacibliyini göstərir və Tehranda regiondakı vəziyyətlə bağlı irəliləyiş əldə edildiyinə inandığını vurğulayıb.
ELBAR
