İsrail qüvvələri atəşkəs və çərçivə müqaviləsinə baxmayaraq, Livanın cənubundakı şəhərlərə hava hücumları təşkil edib.
Tezadlar.az xəbər verir ki, Livan rəsmi xəbər agentliyi NNA-nın məlumatına görə, İsrail döyüş təyyarələri cənubdakı Nəbatiyyə qubernatorluğundakı Kantara, Kefertebnit və Yuxarı Nəbatiyyə şəhərlərini hədəfə alıb.
Hücumlarda itki və ya yaralanma ilə bağlı heç bir məlumat paylaşılmayıbş
Livanda İsrail hücumları və atəşkəs prosesi
İsrail ordusu 2 martda Livana intensiv hava hücumları təşkil edərək ölkənin cənubundakı onlarla şəhəri işğal edib.
Livan hökuməti hücumlar nəticəsində ölkədəki məcburi köçkünlərin sayının 1 milyonu keçdiyini açıqlayıb.
17 apreldə qüvvəyə minən Livan və İsrail arasında atəşkəs o vaxtdan bəri bir neçə dəfə uzadılıb.
Livan Səhiyyə Nazirliyi 12 oktyabrda İsrailin 2 martdan bəri ölkəyə hücumlarında ən azı 4389 nəfərin öldüyünü açıqlayıb.
Bu arada, İsrail və Livan 26 iyunda ABŞ-ın vasitəçiliyi ilə münaqişəyə son qoymaq və uzunmüddətli sülh yaratmaq məqsədi daşıyan “çərçivə sazişi” imzalayıblar.
Saziş İsrail qüvvələrinin işğal olunmuş Livan ərazilərindən tədricən çıxarılmasını və tərəflər arasında danışıqların davam etdirilməsini nəzərdə tutur. Lakin, razılaşmaya baxmayaraq, İsrail Livanda işğalını və hücumlarını davam etdirir.
ELBAR
