İsrailin 2023-cü ilin oktyabr ayından bəri Qəzza zolağına həyata keçirdiyi hücumlarda 9.000-dən çox ana da daxil olmaqla 12.500-dən çox qadın həyatını itirib.
Tezadlar.az xəbər verir ki, Fələstin Qadınlar Nazirliyi və Fələstin Statistika Bürosu hər il 26 oktyabrda qeyd olunan Fələstin Milli Qadınlar Günü münasibətilə birgə yazılı açıqlama yayıb.
Açıqlamada 2023-cü ilin oktyabr ayından bəri İsrailin Qəzza zolağına hücumlarında 12.500-dən çox qadının həyatını itirdiyi qeyd olunub və öldürülən qadınların 9.000-dən çoxunun ana, 42-sinin isə jurnalist olduğu bildirilib.
Yaralananların 14%-i qadınlardır
Açıqlamada eyni dövrdə İsrailin Qəzzaya hücumlarında yaralanan 175.000 nəfərin 14%-nin qadın olduğu və bu hücumlarda 28.560 qadının ərlərini itirdiyi bildirilib.
Açıqlamada hazırda Qəzzada çətin şərtlər altında hamiləliklərini davam etdirməyə çalışan 50.000 hamilə qadının olduğu və 2023-cü ilin oktyabr ayından bəri qadınlar arasında 12.000 düşük hadisəsinin qeydə alındığı vurğulanıb.
İşğal altında olan Qərb Sahilində 28 qadın öldürülüb
Açıqlamada qeyd olunub ki, Qəzzaya edilən hücumlarla eyni vaxta təsadüf edən işğal altında olan Qərb Sahilinə edilən hücumlarda İsrail ordusu və Fələstin torpaqlarını ələ keçirən israillilər təzyiqlərini artırıblar və 2023-cü ilin oktyabr ayından bəri öldürülən 1216 nəfərdən 28-i qadın olub.
2023-cü ilin oktyabr ayından bəri İsrailin Qəzza zolağına etdiyi hücumlar nəticəsində ümumilikdə 74.000-dən çox insan ölüb, 175.000-dən çox insan yaralanıb və bölgənin infrastrukturunun təxminən 90 faizi məhv olub.
ELBAR
