Tramp ABŞ qurumlarına süni zəka əvəzinə super intellekt deməyi tapşırdı

    ABŞ Prezidenti Donald Tramp süni intellekt üçün “super intelligence” adının işlədilməsini istəyir. Onun imzaladığı sərəncamda dövlət qurumlarına “artificial intelligence” əvəzinə yeni termindən istifadə etmək tapşırılıb. Geniş ictimaiyyət hələ də AI ifadəsinə üstünlük versə də, Silikon Vadisinin tanınmış rəhbərləri tədricən yeni ada keçirlər.    Elon Musk “SpaceXAI” adını “SpaceXSI” ilə əvəzləyəcəyini deyib. “Salesforce” rəhbəri Marc Benioff da Trampın açıqlamasından bir neçə saat sonra “AIForce” adını “SIForce” ilə dəyişəcəyini elan edib. Tramp “artificial intelligence” ifadəsini işlədənləri Ağ Evin düşməni sayacağını yazıb.    “Nvidia” rəhbəri Jensen Huang yeni terminlə bağlı sərəncamın açıqlandığı sammitə qatılıb. Şirkət elmi inkişafa 1 milyard dollar (təxminən 1,7 milyard manat) ayıracağını və plana “super intelligence” araşdırmalarını da daxil edəcəyini açıqlayıb. Huang daha əvvəl AI təhlükəsinin şişirdildiyini düşündüyünü demişdi.    Yeni adı işlədən son böyük texnologiya rəhbərlərindən biri “Microsoft” şirkətinin baş direktoru Satya Nadella olub. O, AI sistemləri üçün təhlükə zamanı işə düşəcək “təcili əyləc” mexanizmi qurmağa çağırıb. Nadella paylaşımında bu texnologiyanı dəfələrlə “super intelligence” adlandırıb.    Nadella sammitdə Mark Zuckerberg, Sundar Pichai, Jeff Bezos, Dario Amodei və Elon Musk ilə birlikdə iştirak edib. Trampın 2-ci prezidentlik dövründə Silikon Vadisinin rəhbərləri administrasiya ilə yaxın münasibət qurmağa çalışırlar. Onun ilk prezidentlik dövründə tərəflər arasındakı münasibətlər daha gərgin idi.