...SİA xəbər verir ki, “Əl-Cəzirə”nin məlumatına görə, onlarla aktyor, yazıçı və digər mədəniyyət xadimi Böyük Britaniyanın “Plaestine Action” təşkilatını terror təşkilatı kimi tanımasını pisləyərək, bu qərarı “repressiv absurdluq” adlandırıblar.
Onlar həmçinin qadağan olunmuş təşkilatı dəstəklədiyinə görə kitabları satışdan çıxarılan irlandiyalı yazıçı Salli Runini dəstəkləmək üçün açıq məktub yazıblar.
...İmza sahibləri arasında Hollivud aktrisası Syuzan Sarandon, rejissor Conatan Qleyzer, hind yazıçısı Arundhati Roy, hip-hop qrupu Kneecap-ın üzvləri və bir çox başqaları var. Məktubda deyilir: “Salli Runi yazıçıdır, terrorçu deyil. Onun kitabları oxucular üçün əlçatan olmalıdır. Onların satışdan çıxarılması söz azadlığının fundamental prinsipinə hücumdur”.
Məktub müəllifləri qeyd edirlər ki, “biz birbaşa və dolayı senzuranı qəti şəkildə rədd edirik və hökuməti bizi bu vəziyyətə gətirən kursu dəyişdirməyə çağırırıq”.
Runinin kitablarının elektron kitab versiyası da ictimaiyyətə açıqlanmayıb.
Yazıçı əsərlərinin gələcəkdə nəşr olunmasının Britaniya qanunlarının pozulması olduğunu bildirib.
O, auditoriyası ilə dürüst olmaq üçün əlindən gələni etdiyini və nəticələrini qəbul etməyə hazır olduğunu bildirib.
Salli Runi, dünya miqyasında 6 milyon nüsxə satılan dörd bestsellerin müəllifidir.
Nazlı Almuradova
