Türk kinosunun əfsanəvi aktyorlarından Ediz Hun Antalya şəhərində həyat yoldaşı ilə birlikdə qatıldığı tədbirdə jurnalistlərin suallarını cavablandırıb.
Sfera.az xəbər verir ki, 85 yaşlı aktyor qocalmasından danışıb:
"İnsan yaşlandıqca tənhalaşır. Atama da "Çölə çıx, gəz" deyirdim. O isə "Kim qalıb ki, çıxım?" cavabını verirdi. Yaşlandıqda insan tək qalır. Buna görə də sosial mühit çox vacibdir".
Yeşilçam dövrünün tanınmış sənətçilərinin bir-bir dünyasını dəyişməsinə də toxunan Ediz Hun "Təəssüf ki, çox az dostumuz qalıb. Bu, əlbəttə, çox kədərlidir. Amma həyat belədir. Zamanı dayandırmaq mümkün deyil. "Yeşilçam" artıq bitib" sözləri əlavə edib.
