Misir təhlükəsizlik və sabitliyinin qorunması üçün Səudiyyə Ərəbistanına "bütün lazımi və mümkün" yardımı göstərəcək.
Sfera.az xəbər verir ki, bu barədə bazar günü Misir liderinin administrasiyasından bildirilib.
Qərar Misir Prezidenti Əbdülfəttah əs-Sisinin sədrliyi ilə keçirilən Milli Müdafiə Şurasının iclasının yekunlarına əsasən qəbul edilib.
Bəyanatda qeyd olunur ki, Təhlükəsizlik Şurası Səudiyyə Ərəbistanının milli təhlükəsizliyinin Misirin və ərəb ölkələrinin milli təhlükəsizliyi ilə qarşılıqlı əlaqəsini təsdiqləyib.
Şura üzvləri həmçinin bütün regionda gərginliyin azaldılmasına kömək etmək üçün diplomatik səyləri fəallaşdırmaq barədə razılığa gəliblər.
Daha əvvəl əs-Sisi bildirib ki, Ər-Riyaddan belə bir müraciət daxil olarsa, Misir Səudiyyə Ərəbistanının qorunması üçün lazımi addımlar atmağa hazırdır.
