“Milan”ın və Braziliya millisinin sabiq müdafiəçisi Kafu “Santos”un hücumçusu Neymarın yığma karyerası haqda danışıb.
Publika.az xəbər verir ki, “Reuters” Kafunun sözlərini sitat gətirib:
“Hər kəs gec-tez milli komandadan təqaüdə çıxmalıdır. Əsas odur ki, onun milli komandadakı vaxtı uğurlu keçdi. Neymar öz izini qoydu və Braziliya millisinin tarixinin bir hissəsinə çevrildi. Onun inanılmaz statistikası var. Neymarın milli komandadakı vaxtı çox vacib idi.
Əminəm ki, 2030-cu il Dünya Kuboku komandamız üçün fərqli olacaq. Braziliyanın yenə də bu turniri qazanmaq şansı olacaq. Bu, yeni bir dövr və yeni bir layihədir. İndi Ançelottinin taktiki ideyalarını həyata keçirmək üçün kifayət qədər vaxtı olacaq”.
Neymar 2010-cu ildən 2026-cı ilə qədər Braziliya millisində oynayıb, 130 oyunda iştirak edib, 80 qol vurub və 59 məhsuldar ötürmə edib. O, milli ilə 2013-cü ildə Konfederasiyalar Kubokunu qazanıb.
