Müğənni-bəstəkar Hacı Nazim gec ailə qurmasının səbəbinin atasının faciəvi ölümü ilə bağlı olduğunu açıqlayıb.
Publika.az Milli.Az-a istinadən xəbər verir ki, sənətçi həyatının ən ağır günlərindən birini xatırlayaraq həmin hadisənin ailə qurmaq planlarına da təsir etdiyini bildirib.
Hacı Nazim danışıb ki, atası bir idmançının toyuna yola salınıb. Lakin şadlıq sarayında pilləkəndən yıxılan atası sonradan dünyasını dəyişib.
Bəstəkarın sözlərinə görə, faciə 2011-ci ildə baş verib. Həmin vaxt onun nişanından cəmi bir həftə keçibmiş. Atasının vəfatından sonra ailə qurmaq qərarını təxirə salan Hacı Nazim bir il gözlədikdən sonra evlənib.
Sənətçi bu hadisənin həyatında dərin iz buraxdığını qeyd edib.
