“Barselona”nın idarə heyətinin keçmiş üzvü Toni Freyşa Kataloniya klubunun Lionel Messi ilə vida mərasimi təşkil edəcəyini açıqlayıb.
Publika.az xəbər verir ki, “The Touchline” onun sözlərini sitat gətirib:
“Barselona” bir il yarım ərzində “Kamp Nou”da Leo Messi üçün vida mərasimi keçirəcək . Bu, artıq təsdiqlənib”.
Messi “Barselona”nın gənclər sisteminin məhsuludur. Argentinalı futbolçu 2004-cü ildən 2021-ci ilə qədər böyüklər komandasında oynayıb. Bu müddət ərzində o, on liqa titulu və dörd Çempionlar Liqası da daxil olmaqla çox sayda titul qazanıb.
2021-ci ildə Messi klubun maliyyə problemləri səbəbindən “Barselona”dan ayrıldı. 2023-cü ilin yayından hücumçu “İnter Mayami”də oynayır. 39 yaşlı futbolçunun Amerika komandası ilə müqaviləsi 2028-ci ilin sonuna qədərdir.
