Almaniyanın "Şimal Axını 2" partlayışından sonra susmaq qərarı rüsvayçılıqdır.
Publika.az xəbər verir ki, bunu “RİA Novosti” agentliyinə müsahibəsində Rusiya Xarici işlər nazirinin müavini Aleksandr Qruşko bildirib.
Nazir müavini deyib ki, sadəcə susmaq Alman dövlətinin suveren statusuna qarşı rüsvayçılıqdır.
Qruşkonun sözlərinə görə, bir neçə il əvvəl Şimali Atlantika Alyansının və Avropa İttifaqının bütün strateji sənədlərinə "NATO-nun 5-ci maddəsi də daxil olmaqla, vacib infrastruktura ciddi ziyan vurmağı silahlı hücum aktına bərabər tutan" müddəalar daxil edilib.
Rusiya xarici işlər nazirinin müavini əlavə edib ki, əgər bunu amerikalılar edibsə, Almaniya ya ABŞ-a, ya da Britaniyaya müharibə elan etməli idi.
"Amma indi Ukrayna ilə əlaqə ortaya atılıb. Və biz prosesin necə getdiyini bilirik. Heç bir sorğumuza cavab verilməyib", - Qruşko qeyd edib.
Müəllif: Tural
