ABŞ dövlət katibi Marko Rubio Vaşinqtonun Ukrayna ilə kəşfiyyat məlumatlarının mübadiləsini dayandırdığı barədə iddiaları təkzib edib.
News24.az xəbər verir ki, bu barədə ABŞ mətbuatı məlumat yayıb.
Rubio Özbəkistanın Səmərqənd şəhərində jurnalistlərə açıqlamasında bildirib ki, iki ölkə arasında məlumat mübadiləsində heç bir fasilə olmayıb.
O, Ukrayna Prezidenti Volodimir Zelenskinin bu barədə açıqlamasını haradan aldığını bilmədiyini deyib.
Qeyd edək ki, Zelenski oktyabrın 18-də NBC News-a müsahibəsində ABŞ-la kəşfiyyat məlumatlarının mübadiləsinin bir müddət dayandırıldığını, daha sonra isə bərpa olunduğunu bildirib.
