İndoneziyada meşə yanğınları nəticəsində yaranan tüstü səbəbindən 333 mindən çox kəskin respirator infeksiya halı qeydə alınıb.
News24.az xəbər verir ki, “Antara” xəbər agentliyinin məlumatına görə, ölkənin Səhiyyə Nazirliyi son 24 saat ərzində daha 4 522 yoluxma halının aşkarlandığını açıqlayıb.
Nazirliyin Ətraf Mühitin Sağlamlığı üzrə direktoru Suyantinin sözlərinə görə, xüsusilə Cənubi Sumatra, Qərbi Kalimantan və Cənubi Kalimantan əyalətlərində havanın keyfiyyəti təhlükəli səviyyədədir.
O bildirib ki, ölkədə qeydə alınan kəskin respirator infeksiya hallarının ümumi sayı 333 470-ə çatıb. Uşaqlar, yaşlılar, hamilə qadınlar, astma və xroniki obstruktiv ağciyər xəstəliyindən (KOAH) əziyyət çəkən şəxslər risk qrupuna daxildir.
Suyanti əlavə edib ki, hökumət yanğınlarla əlaqəli tənəffüs xəstəliklərini, pnevmoniyanı, astmanı, göz və dəri qıcıqlanmalarını izləyir. Təsirlənmiş ərazilərin dərman və tibbi ləvazimatlarla təmin edildiyi bildirilib.
