McDonalds-dan edilən açıqlamada, ABŞ xaricindəki qlobal əməliyyatlarının vergi qeydiyyat mərkəzinin Lüksemburqdan İngiltərənin paytaxtı Londona köçürülməsinə qərar verildiyi qeyd olunub.
Şirkətin vergi qeydiyyatı mərkəzini Londona köçürməsi qərarının "daha uyğun vergi güzəştlərindən" deyil, əməliyyatların daha səmərəli işləməsi üçün verildiyi bildirilib.
İngiltərə Baş nazirliyindən edilən açıqlamada isə "Dünyanın hər yerindən İngiltərəyə sərmayə qoyan şirkətlərin qərarlarını məmnuniyyətlə qarşılayırıq" ifadəsi istifadə edilib.
İngiltərədə şirkətlər üçün vergi, hazırda 20 faiz səviyyəsindədir.
Ölkədə 2020-ci ildən etibarən şirkətlər vergisinin 17%-ə salınması planlaşdırılır.