Cenifer Lopes gözlənilməz Hellouin transformasiyası ilə pərəstişkarlarını heyrətləndirib. 57 yaşlı müğənni və aktrisa 1960-cı illərin kinosunun əsas seks simvollarından biri olan ikonik qəhrəman Barbarellanı canlandırıb.
Lent.az-ın xarici mediaya istinadən xəbərinə görə, ulduz, qalaktikalararası döyüşçünün imzalı ağ çimərlik paltarı geyinərək, zəncirvari tor və karamel pariklə bəzəyərək, diqqət çəkən sinə dekoltesini və tonlanmış fiqurunu nümayiş etdirib.
Lopes bu şəkildə 1968-ci ildə çəkilmiş eyniadlı elmi fantastika filmində Barbarella rolunu canlandıran Ceyn Fondaya hörmətini bildirib. Aktrisa əvvəllər Cnifer Lopeslə ilə birlikdə "Qaynana canavardırsa" komediyasında rol alıb.
Lakin transformasiya bununla bitməyib. Lopes həmçinin filmin ən məşhur səhnələrindən birini canlandıraraq, mələk geyimində əzələli bir kişinin yanında çılpaq poza verib.
Ceyn Fondanı beynəlxalq seks simvoluna çevirən Barbarella rolu olub. Aktrisa daha sonra filmdə çəkilmək qərarına peşman olduğunu etiraf edib: o vaxtkı əri Rocer Vadimin rejissorluğu ilə çəkilən layihə üçün o, "Bonni və Klayd" və "Uşaq Rozmari" kult filmlərindəki rollardan imtina edib.
Lopesin təxribatçı fotosessiyası, dördüncü əri Ben Afflekdən ayrılmasından iki il sonra - "sevgi sübutu" axtarışı ilə bağlı səmimi düşüncələrindən qısa müddət sonra baş tutub.
Müğənni 2011-ci ildə buraxılan "Love?" albomunun genişləndirilmiş yenidən nəşrinin çıxması ilə bağlı fikirlərini bölüşüb.
Albomun başlığındakı sual işarəsini izah edən Lopes, həyatındakı bir çox şeyə şübhə etdiyi və öz hisslərini və sevginin mənasını anlamağa çalışdığı bir dövrü xatırladıb. O, bunu Biltin baş direktoru Ankur Cayn ilə söhbətində bölüşüb.
Albom ilk dəfə çıxanda Cenifer üçüncü əri Mark Entoni ilə evli olub. Bu nikahdan doğulan əkizləri Maks və Emma indi 18 yaşındadırlar.
Yenidən buraxılışda həmçinin "Sevginin sübutu" adlı yeni rəqs treki də yer alır. Lopesin sözlərinə görə, sevgi əlamətləri hər yerdə görünə bilər, amma əvvəlcə onlar insanın özündə tapılmalıdır.
