Səudiyyə Ərəbistanı Pro Liqasında XII turun mərkəzi qarşılaşması baş tutub.
Futbolpress.az xəbər verir ki, “Əl-Nəsr” öz meydanında “Əl-Xolud”u qəbul edib. 8 qolun vurulduğu fantastik matçda Ər-Riyad təmsilçisi 5:3 hesablı parlaq qələbə qazanıb.
Qarşılaşmanın qəhrəmanı 15 dəqiqə ərzində het-trik edən portuqaliyalı ulduz Kriştiano Ronaldo olub. Meydan sahiblərinin digər qollarını 24-cü dəqiqədə Anxelo və 38-ci dəqiqədə Sadio Mane vurublar. Qonaqların heyətində isə Jülyen Dominges dubl edib, Antuan Loik Essomba isə bir dəfə fərqlənib.
Bu het-triklə Kriştiano Ronaldo karyerası ərzində rəsmi matçlarda vurduğu qolların sayını 985-ə çatdırıb. Əfsanəvi hücumçunun futbol tarixində möhtəşəm 1000 qol zirvəsinə fəth etməsinə cəmi 15 qol qalıb.
Qeydə alınan nəticə:
Səudiyyə Ərəbistanı Pro Liqası
XII tur
Əl-Nəsr – Əl-Xolud 5:3
Qollar: Anxelo, 24, Sadio Mane, 38, Kriştiano Ronaldo, 66, 72, 81 – Jülyen Dominges, 16, 90+4 (pen.), Antuan Loik Essomba, 45+2
