Azərbaycanın “LANDAU Lions” basketbol klubu FIBA Avropa Kubokunda ilk qələbəsini qazanıb.
Futbolpress.az xəbər verir ki, G qrupunun IV turu çərçivəsində Bakı İdman Sarayında Türkiyənin “Denizli Basket” kollektivini qəbul edən təmsilçimiz gərgin mübarizəyə səhnə olan matçı 94:86 hesablı üstünlüklə başa vurub.
Erhan Tokerin baş məşqçisi olduğu bakılılar bu nəticə ilə turnirdəki uğursuzluq zəncirini qırmağı bacarıblar.
“LANDAU Lions” qrupdakı ilk üç qarşılaşmasında Danimarkanın “Bakken Birs” (88:91), İsveçrənin “Lions de Geneve” (83:105) və Slovakiyanın “Prievidza” (84:108) klublarına məğlub olmuşdu.
