Tofiq Bəhramov adına Respublika Stadionunda keçirilən “Turan Tovuz” – “Fənərbağça” yoldaşlıq qarşılaşması tribunalardakı möhtəşəm görüntülərlə yadda qalıb.
Futbolpress.az xəbər verir ki, hər iki komandanın azarkeşləri oyun öncəsi hazırladıqları kreativ pankartlarla matça xüsusi rəng qatıblar.
“Turan Tovuz” fanatları sektorda nəhəng canavar fiquru əks olunmuş xoreoqrafiya nümayiş etdiriblər. Pankartın aşağı hissəsində isə “Adımızın böyüklüyü zəfərlərə zəmanətdir” sözləri yer alıb.
“Fənərbağça”nın azərbaycanlı azarkeşləri də İstanbul təmsilçisinə olan sevgilərini diqqətçəkən şəkildə ifadə ediblər. Onların sektorunda “Məsafələr əngəl deyil, sevdamız “Fenerbahçe” şüarı yazılmış böyük pankart açılıb.