Milli komandaların oyunları səbəbindən çempionatda yaranan fasilədən istifadə edən “Qəbələ” növbəti yoxlama matçını keçirib.
Futbolpress.az xəbər verir ki, bölgə təmsilçisi Qəbələ şəhər stadionunda Yaponiyanın U-20 milli komandası ilə qüvvəsini sınayıb.
Gərgin keçən qarşılaşma yaponiyalı gənc futbolçuların 3:1 hesablı üstünlüyü ilə yekunlaşıb.
Sentyabrın 27-də “Karvan-Yevlax”la sınaq matçında qolsuz heç-heçəyə (0:0) razılaşan “Qəbələ” Misli Premyer Liqasının VII turu çərçivəsində oktyabrın 10-da səfərdə “Sumqayıt”ın qonağı olacaq.