Litva Avropa İttifaqına Rusiya taxılının blok ərazisindən tranzitinə qadağa qoyulmasını təklif etməyə hazırlaşır.
Banker.az “Bloomberg”ə istinadən xəbər verir ki, Vilnüs bununla yanaşı, Rusiyanın aqrar sektorunda fəaliyyət göstərən və müharibəni dəstəklədiyi bildirilən şəxslərə qarşı sanksiyaların tətbiqini də gündəmə gətirmək istəyir.
Litvanın təşəbbüsü Rusiya kənd təsərrüfatı məhsullarının Avropa üzərindən daşınmasına əlavə məhdudiyyətlər gətirə bilər.
Təklifin Aİ səviyyəsində qəbul edilməsi üçün üzv ölkələrin razılığı tələb olunacaq. Hazırda təşəbbüsün hansı məhsul kateqoriyalarını və hansı tranzit marşrutlarını əhatə edəcəyi tam açıqlanmayıb.
