Ağdam Sənaye Parkında yeni yağ istehsalı müəssisəsi yaradılacaq.
Bu barədə İqtisadiyyat Nazirliyinin tabeliyində İqtisadi Zonaların İnkişafı Agentliyinin məlumatında bildirilib.
Məlumata görə, “Ağdam Agro Yağ” MMC-yə Ağdam Sənaye Parkının rezidenti statusu verilib.
Şirkət tərəfindən Parkın ərazisində investisiya dəyəri 14,2 milyon manat olan yağ istehsalı müəssisəsinin yaradılması planlaşdırılır. Layihə çərçivəsində rafinə edilmiş və rafinə edilməmiş günəbaxan, qarğıdalı, soya və pambıq yağlarının istehsalı nəzərdə tutulur.